27 июнь куни Россия қўшинлари Полтава вилоятининг Кременчук шаҳридаги савдо марказига ҳужум қилди, президент Владимир Зеленский у ерда мингдан ортиқ тинч аҳоли бўлганини айтди: 18 киши ҳалок бўлди, 59 киши яраланди, 40 га яқин киши бедарак йўқолди. Россия Лисичанск ва унинг атрофини ўққа тутишда давом этмоқда, ҳужум оқибатида икки черков, турар жой бинолари ва инфратузилма объектлари зарар кўрди, дейди Луганск вилояти раҳбари Сергей Гайдай. Украина Россия билан ядровий хавфсизлик соҳасида икки келишувни бекор қилди. Северодонецкдаги «Азот» заводи ҳудуди ЛХР ва Россиянинг тўлиқ назоратига ўтди, деди Россия томони. Россия Мудофаа вазирлиги 26 июнь куни Киевнинг Шевченковский туманига берилган зарбаларни тан олди ва турар жой биносининг вайрон бўлишида Украина ҳаво ҳужумидан мудофаа кучларини айблади. Харьковнинг ўққа тутилиши оқибатида эса беш киши ҳалок бўлди, яна 31 киши яраланди. Meduza урушнинг 124-кунидан асосий фотосуратларни тақдим этди.
Мариуполь
Мариуполда «Ягона Россия»дан юборилган гуманитар ёрдам тарқатилмоқда. 26 июнь куни шаҳар мери маслаҳатчиси Пётр Андрюшченко Мариуполнинг Левобережний туманидаги вайрон бўлган уйлардан бирида ўққа тутилиб ҳалок бўлганларнинг 100 дан ортиқ жасади топилганини маълум қилди.Фото: «ТАСС»
Одесса вилояти
Россия авиазарбасидан вайрон бўлган Майаки посёлкасидаги турар жойлар. Маҳаллий ҳокимият маълумотларига кўра, Одесса вилоятидаги портлашда олти киши, жумладан, бир бола жароҳатланган.Фото: Reuters
Майакида Россия авиацияси вайрон қилган уй айвонидаги бола.Фото: Reuters
Полиция ходимлари Славянскда Россия ўқлари остида ҳалок бўлган эркакнинг жасадини машинадан чиқариб олмоқда. 27 июнь куни эрталаб Славянск марказидаги турар жойлар ўққа тутилди. Донецк вилояти ҳарбий маъмурияти раҳбари Павел Кириленконинг маълум қилишича, бир киши ҳалок бўлган, яна бир фуқаро яраланган.Фото: AP Photo
Полиция ходими ва фелдшер Славянскда Россия авиазарбаларидан яраланган аёлга биринчи ёрдам кўрсатмоқда. Украина Қуролли Кучлари Бош штабининг кечки ҳисоботига кўра, Славянск йўналишида рус бўлинмалари Барвенково ва Славянскга ҳужум қилиш учун қулай шароит яратишга уринмоқда. Россия қуролли кучлари шунингдек, Долгенкийдан Мазановкага ҳужум қилди, бироқ уларга қаршилик кўрсатилди.Фото: AP Photo
Харьков
Мактаб ҳовлисида ракета ҳужумидан кейин ҳосил бўлган ўра. 27 июнь куни рус қўшинлари Северная Салтовка ҳудудини, Киев ва Харьковский туманларини, шунингдек, шаҳар чеккаларини ўққа тутди. Украина матбуотига кўра, камида беш киши ҳалок бўлган, 22 киши жумладан беш нафар бола яраланган.Фото: AFP
Россия ҳарбийлари томонидан ҳужумга учраган «Амстор» савдо марказида ёнғин содир бўлди. Полтава вилояти расмийларига кўра, унда мингдан ортиқ тинч аҳоли бўлган. Ўн уч киши ҳалок бўлди. Тиббий ёрдам сўраб 59 нафар фуқаро мурожаат қилган, улардан деярли ярмининг аҳволи оғир. 40 киши бедарак йўқолганлар рўйхатида.Фото: Украина ФВХ
Россия қўшинлари томонидан зарба берилган савдо маркази ўрнида қутқарувчилар ва ҳарбийлар ишламоқда.Фото: Reuters
Изоҳ (0)