Украина тан олинмаган Днестрбўйи Молдова Республикаси томонидан бундай хатти-ҳаракатларга «зарба» билан жавоб қайтаради, деди Украина президенти Владимир Зеленский Молдова етакчиси Майя Санду билан учрашувдан кейин.
«Днестрбўйидаги бу одамлар билиб қўйиши керак: биз учун бу зарба эмас, балки шапалоқдир. Биз эса аниқ зарба билан жавоб қиламиз», — деди Зеленский унда Днестрбўйи томонидан эҳтимолий зарба ҳақида маълумот бор-йўқлиги ҳақида берилган саволга жавобан.
Давлат раҳбари бундай ҳаракатлар «глобал хато» бўлишини, ва Киев бу борада «кўнгилсиз» сигналлар олаётганини айтди.
Днестрбўйи Россия ҳарбий операция олиб бораётган Украина билан чегарадошдир. Тан олинмаган республикада Днестрбўйи зиддиятининг фаол босқичи тугаган вақтдан буён Россия тинчликпарвар кучлари бўлиб турибди.
Апрель охирида у ерда вазият кескинлашди, радиотелемарказ ҳудудида портлашлар юз берди, Давлат хавфсизлиги вазирлиги биноси ўққа тутилди. Ҳукумат террорчилик хавфининг қизил даражасини киритди, май охирида хавф даражаси сариққача туширилди, у ҳозир ҳам амал қилмоқда. Июнь бошида Днестрбўйи Тергов қўмитаси тинчликпарвар кучларнинг захира бўлинмаси автопарки ҳудудига дронлар иккита граната ташлаганини, ҳеч ким жабрланмаганини маълум қилди.
Аввалроқ Зеленскийнинг офиси раҳбари Алексей Арестович Молдова Украинадан «Днестрбўйини назорат остига олишда» ёрдам сўраши мумкинлигини, Украина қуролли кучлари ёрдам беришини айтганди. Ўшанда Молдова ҳукумати Днестрбўйи масаласини фақат музокаралар жараёни орқалигина тартибга солиш мумкинлигини таъкидлаганди.
Июнь бошроғида Россиянинг Евроиттифоқдаги доимий вакили Владимир Чижов Киев Днестрбўйида фронт очилишини истаган бўларди, аммо воқеаларнинг бундай ривожи «Молдованинг ажалига айланади», деди. Унинг сўзларига кўра, кўпчилик Россияни тан олинмаган республикани ҳимоя қилишга ундамоқда.
Изоҳ (0)