Хью Жекман Манхэттендаги уйини сотмоқда. Австралиялик актёр ўз квартирасини 38 миллион 900 минг долларга сотувга қўйди. Хью Жекман мазкур уйни рафиқаси Деборра-Ли Фурнесс билан биргаликда 2008 йилда 21 000 000 долларга сотиб олганди.
Уйнинг бундай юқори нархга баҳоланиши бежизга эмас, албатта, чунки унда ҳамма нарса бор. Бешта ётоқхона ва еттита ҳаммом, офис, профессионал ошхона ва марказида спирал зинапоя жойлашган дам олиш хонаси мавжуд.
Бундан ташқари, хоҳшингизга қараб иссиқ ваннада ёки саунада дам олишингиз, замонавий буюмлар билан жиҳозланган махсус майдонда машқ қилишингиз мумкин.
Аммо уйнинг энг ҳайратланарли томони бу ички дизайн эмас, балки панорамали деразалар орқали ёки шинам балконда туриб ҳайратга тушиш мумкин бўлган Гудзон дарёсининг манзарасидир.
1020 квадрат метрлик майдонга эга квартирани ўз ичига олган West Village биноси дунёга машҳур архитектор Ричард Мейер томонидан лойиҳалаштирилган. Шунингдек, унда меҳмонлар учун ҳам кўплаб қулайликлар мавжуд, жумладан, фитнес маркази, швейсар хизмати ва машҳур француз ошпази Жан-Жорж Вонгеричтендан «уйдаги ошхона» ҳаммага хуш келиши аниқ.
Изоҳ (0)