50 ёшдан кейин машҳур бўлган ва орзуга эришиш учун ҳеч қачон кеч эмаслигини исботлаган юлдузлар (фото)

Голливуднинг энг машҳур актриса ва актёрларнинг фильмографиясига назар ташлайдиган бўлсак, уларни машҳур қилган ролларни биз ўйлагандан бироз кечроқ олганига гувоҳ бўламиз. Ёшларда куч ва эҳтирос бор, лекин баъзида шедевр яратиш тажриба ва етукликни талаб қилади, бу эса фақат ёшга боғлиқ.

Бетти Уайт

Кўпчиликнинг қалбидан жой олган актриса 40 ёшдан ошганида кино оламига кириб келган. Аммо ҳақиқий шон-шуҳрат актрисага 1973 йилда, у «Мери Тайлер Мур шоуси»да Сю Энн Нивенс ролини ўйнашга таклиф қилинганида келди. У ўша пайтда 51 ёшда бўлиб, 4 йил давомида шоуда иштирок этади.

Кристоф Валц

Австриялик актёр 20 ёшдан бошлаб актёрлик фаолиятини бошлаган. Аммо 30 йил ўтиб, 53 ёшида у карьерасида бурилиш ясаган ролга эга бўлди. У Квентин Тарантинонинг фильмида Ханс Ланда ролини ўйнади.

Ушбу рол туфайли у 2010 йилда энг яхши иккинчи пландаги эркак роли учун Академия мукофотини қўлга киритди. Шундан кейин Валц яна бир нечта муваффақиятли фильмларда рол ўйнади.

Ҳелен Миррен

Бир неча ўн йиллар давомида Ҳелен Миррен Британияда машҳур актриса ҳисобланади. Аммо дунё миқёсидаги шуҳрат унга 50 ёшида келди: Миррен «Қирол Георгнинг жиннилиги» фильмидаги роли учун «Оскар» мукофотига «Энг яхши иккинчи пландаги актриса» номинациясида номзод бўлди. Шундан кейин унинг муваффақиятли роллари кўпайди: 61 ёшида у худди шу номдаги фильмда малика ролини ўйнади ва кейинги йили «Энг яхши актриса» номинациясида «Оскар»га сазовор бўлди.

Жон Маҳони

Жон Маҳони кўп йиллардан бери театр актёри бўлиб, 42 ёшида фильм ва телекўрсатувларда рол ўйнай бошлади. Маҳони 53 ёшида ўзининг энг машҳур ролини қўлга киритди: у машҳур «Фрэйзер» ситкомида бош қаҳрамоннинг отаси Мартин Крейнни ўйнади.

Жейн Линч

Йиллар давомида Жейн Линч турли фильмларда рол ўйнаганига қарамай, унга ҳақиқий шон-шуҳрат келтирган «Хор» мусиқий сериали эди. У Сю Силвестр исмли қувноқ мураббий ролини ўйнайди ва бу роли учун комедик сериалидаги энг яхши иккинчи даражали актриса учун «Эмми» мукофотига сазовор бўлади. Ўша пайтда актриса 50 ёшда эди.

Жуди Денч

87 ёшли Жуди Денч Буюк Британиянинг энг яхши актрисаларидан бири ҳисобланади. У ўз фаолиятини саҳнада қўшиқ куйлашдан бошлаган, кейин эса кино ва телевидениега ўтган. Юлдуз ўзининг энг машҳур ролини 1995 йилда Жеймс Бонд ҳақидаги «Олтин кўз» фильмида М қаҳрамонини гавдалантирган. Ўша пайтда у 61 ёшда эди. Шундан сўнг у яна бир нечта Жеймс Бонд фильмларида суратга тушади ва бу унинг томошабинлар орасида машҳурлигини оширади.