Ота-онаси машҳур бўлишига қарамай, ҳамма нарсага ўз кучи билан эришган Голливуд юлдузларининг фарзандлари (фото)

AdMe нашри ота-онаси изидан боришга қарор қилган ва ниҳоят орзусига эришиш учун енг шимариб меҳнат қилган юлдузларнинг фарзандлари ҳақида маълумот беради.

Бен Стиллер

Машҳур актёр, режиссёр ва продюсер комик актёрлар — Жерри Стиллер ва Энн Миранинг ўғлидир. Бенда кинога бўлган қизиқиш синглиси ва дўстлари билан бирга 8 ммлик плёнкада фильмлар суратга олишни бошлаганида уйғонган. Унинг отаси «Сейнфелд» (бош қаҳрамоннинг отасини ўйнаган) ва «Квинс қироли» сериалларида ишлаган. Шунингдек, Жерри Стиллер «Модель эркак» комедиясида ўғли билан суратга тушиш имкониятини қўлдан бой бермаган.

Симона Жонсон

Симона 2001 йил 17 августда таниқли актёр ва рестлер Дуэйн Жонсон оиласида туғилган. Аввалига у отасининг изидан бориб, жанг санъатига қизиқа бошлаган. Ҳозирда Симона дунёдаги етакчи моделлик агентлиги IMG билан ҳамкорлик қилади.

Симона World Wrestling Entertainment билан шартнома имзолаган тарихдаги энг ёш одамга айланди. Унинг сўзларига кўра, жуда қаттиқ ишласа-да, ўзини отаси билан солиштиришни истамайди.

Жессика Кепшоу

Жессика актриса ва продюсер Кейт Кепшоунинг қизи. Унинг онаси ажрашгандан сўнг Стивен Спилбергга турмушга чиққан. Жессика кўплаб фильмларда суратга тушган, аммо унинг энг эсда қоларли роли «Севги анатомияси» фильмидаги Аризона Роббинсдир.

Сози Бейкон

Актёрлар Кевин Бейкон ва Кайра Сежвикнинг қизи 12 ёшидаёқ отасининг «Эркатой» фильмида дебют қилган. У, шунингдек, «Неганинг 13 сабаби» лойиҳасида иштирок этади ва Кейт Уинслет билан бирга «Исттаунлик Мейр» мини-сериалида рол ўйнаган.

 Матилда Рамзи

Бу қиз ошпаз Гордон Рамзининг қизи, у отасининг ишини давом эттиришга қарор қилган. Болалигиданоқ у «Матилда ва бошқа Рамзилар» телекўрсатувида қатнашиб, ўзининг ошпазлик истеъдодини тўлиқ намоён этган. Матилданинг рецептлар китоби нашр чиққан, у шунингдек, «Юлдузлар билан рақс» шоусида иштирок этган. Унинг TikTok’да 10 миллиондан ортиқ обуначиси бор.

Меми Гаммер

Меми Гаммер актриса Мерил Стрип ва ҳайкалтарош Дон Гаммернинг қизи. Бир ярим ёшида онаси билан бирга «Рашк» фильмида суратга тушган. Ҳозирда Меми машҳур актриса. Унинг фильмографиясида 40 дан ортиқ фильм ва телесериаллар бор. Улар орасида «Яхши рафиқа» ва «Ҳақиқий детектив» лойиҳалари машҳур. 2015 йилда суратга олинган «Рики ва Флеш» фильмида Мерил Стрип ва Меми Гаммер она ва қиз ролини ўйнаган.

Билли Лурд

Билли «Юлдузлар жанги» эпопеясида малика Лея ролини ўйнаган Керри Фишернинг қизи ва «Ёмғир остида» фильми юлдузи Дебби Рейнолдснинг набираси. Билли 2015 йилда «Юлдузлар жанги: Қудрат уйғониши» фильмида дебют қилган. Бундан ташқари, у «Қичқириқлар маликаси» ва «Американча даҳшатлар тарихи» каби машҳур телесериалларда рол ўйнаган.