Тошкент вилоятининг Бўстонлиқ туманига олиб борувчи автомобиль йўли бир қисмида транспорт ҳаракат чекланади. Бу ҳақда Тошкент шаҳар транспорт бошқармаси хабар берди.
Маълум қилинишича, Бўстонлиқ туманида спортнинг велоспорт-шоссе бўйича эркаклар ва аёллар ўртасида Ўзбекистон чемпионати мусобақаси ўтказилади. Шу муносабати билан 28—29—30 июнь кунлари соат 08:00 дан 14:00 га қадар 4P12 Бектемир—Чирчиқ—Ғазалкент—Чорбоғ автомобиль йўлининг 34-километри (Чирчиқ платинадан старт)дан бошлаб 47-километрлари оралиғида, транспорт воситалари ҳаракати чекланади.
Аввалроқ Тошкентда ёшлар карнавали ўтказилиши муносабати билан 29 июнгача Буюк Турон кўчаси транспортлар учун ёпилиши тўғрисида хабар берилганди.
Изоҳ (0)