Toshkent viloyatining Bo‘stonliq tumaniga olib boruvchi avtomobil yo‘li bir qismida transport harakat cheklanadi. Bu haqda Toshkent shahar transport boshqarmasi xabar berdi.
Ma’lum qilinishicha, Bo‘stonliq tumanida sportning velosport-shosse bo‘yicha erkaklar va ayollar o‘rtasida O‘zbekiston chempionati musobaqasi o‘tkaziladi. Shu munosabati bilan 28—29—30-iyun kunlari soat 08:00 dan 14:00 ga qadar 4P12 Bektemir—Chirchiq—G‘azalkent—Chorbog‘ avtomobil yo‘lining 34-kilometri (Chirchiq platinadan start)dan boshlab 47-kilometrlari oralig‘ida, transport vositalari harakati cheklanadi.
Avvalroq Toshkentda yoshlar karnavali o‘tkazilishi munosabati bilan 29-iyungacha Buyuk Turon ko‘chasi transportlar uchun yopilishi to‘g‘risida xabar berilgandi.
Izoh (0)