Bugatti 1200 долларлик самокатини тақдим этди (фото)

Ҳар куни ҳаракатланиш мумкин бўлган янги Bugatti’нинг эгасига айланиш учун минг доллардан кўпроқ пул сарфлаш кифоя. Бу пулга француз компанияси учун Американинг Bytech International компанияси электросамокатни тақдим этмоқда. Ташқи кўриниши оддий бўлишига қарамай, самокат замонавий материалларга эга илғор конструкция билан жиҳозланган, деб хабар беради Motor.

Оғирлиги 16 килограммни ташкил этувчи йиғилувчан самокат магний қотишмасидан ишланган бўлиб, 109 килограммни кўтара олади. 9 дюймли пневмопокришкаси, 700 волтли электрикаси ёрдамида у соатига 30 километр тезликда ҳаракатланиши ва бир марта қувватланиш орқали 40 километр йўл босиши мумкин.

Ҳаракатланишнинг учта режими мавжуд — Economy, City ва Sport. Икки ғилдиракли Bugatti кумушранг, қора ва кўк рангларда сотувга чиқади.

Транспорт воситалари каби самокат ҳам ёруғлик оптикасига эга — фара ва фонарлар ва ҳатто бурилишни кўрсатгичларга.

Бундан ташқари, рақамли қурилмалар панели ҳам мавжуд бўлиб, у ҳаракатланиш тезлиги, моторнинг иш режими, қувват қанча қолганига оид маълумотларни кўрсатиб туради. Bytech International компанияси мазкур Bugatti учун 1200 доллар сўрамоқда.

Аввалроқ Bugatti бренди «тақали» кроссовкаларини тақдим этганди.