2000 йиллар бошида Motorex компанияси АҚШга расман 16 та Nissan Skyline R34 GT-R моделларини экспорт қилган. 2001 йилда ишлаб чиқарилган V-Space II тавсифига эга автомобиллардан бири сотувга қўйилди, бироқ машина арзон эмас — спорткарда «Форсаж» қаҳрамони Брайан O’Коннор ҳаракатлангани етмаганидек, уни ростдан ҳам актёр Пол Уокер бошқарган. Биргина шу фактнинг ўзи ҳам спорткар нархининг қимматлигига сабаб бўлади, деб хабар беради Motor.
Автомобилга иккиталик турбопуфлагичли олти цилиндр билан жиҳозланган 2,6 литрли двигатель ўрнатилган бўлиб, у 276 от кучи ва 392 Нм айланувчи моментни тақдим эта олади. Бироқ спорткар японларнинг «жентелменларга хос келишув»и даврида йиғилган. Унга кўра, миллий автомобиль ишлаб чиқарувчилар энг юқори самарадорликка эга моделларини 276 от кучи билан чеклаши лозим бўлган.
Аслини олганда унинг қуввати техник тавсифида кўрсатилганидан анча юқори. Машина олти поғонали механик узатмалар қутиси ва ATESSA тўлиқ узатмаси билан жиҳозланган.
Автомобилга кўп сонли GReddy аксессуарларидан ташқари, зангламайдиган пўлатли Trust газ чиқариш тизими, Tein TE37 Saga ғилдираклари ва BF Goodrich лиэвреяси билан ўрнатилган. Салонида Momo Apache рули ва Spacro хавфсизлик камарлари мавжуд. АҚШда автомобиль Bayside Blue рангида сотилган.
33,7 минг километр йўл босган машинадан асосан Пол Уокер фойдаланган. Сотувга қўйилган Nissan Skyline R34 GT-R V-Space II нархи ошкор этилмаган, Hive Auto Group уни фақат реал харидорга айтишга тайёр ва машинани харид қилишда ҳеч қанақа тест-драйв бўлмайди.
Бундан олдин Австралияда «Форсаж» фильмида суратга тушган 50 йиллик Chevrolet аукционга қўйилгани тўғрисида хабар берилганди.
Изоҳ (0)