АҚШда дунёдаги энг қиммат автомобиль рақами сотувга қўйилди: унда ММ ҳарфи ва Калифорния штатига тегишли эканини билдирувчи ёзув қўйилган холос. Сотувчининг сўзларига кўра, «табличка» ҳашаматли Mercedes-Maybach’нинг ўзига хос усулини идеал даражада ўзида ифода этади. Ноёб автомобиль рақами 24,3 миллион долларга баҳоланмоқда, деб хабар беради Motor.
Бундан олдинги дунёдаги энг қиммат автомобиль рақами — 1 БААда 14 миллион долларга сотилганди. «Чиройли» авторақамни 2008 йилда бизнесмен Саид Абдул Ғаффор Кури қўлга киритган. Агарда савдо амалга ошса, Калифорниядага тегишли автомобиль рақами рекорд қийматни қарийб икки баробарга янгилаши мумкин.
Эксклюзив рақамлар савдоси билан шуғулланувчи The Plate Broker компанияси раҳбари Майкл Модекининг таъкидлашича, ММ литераси Mercedes-Maybach автомобилларига ўрнатиш учун идеал равишда мос келади. Шу сабабли мутахассис айнан ушбу автомобиль эгаларини потенциал харидорлар сифатида қарамоқда.
Бироқ ҳозирга қадар рўйхатга олиш рақами учун бунча маблағ сарфлайдиган бирорта мижоз топилмаган.
Эслатиб ўтамиз, 2021 йилнинг майида Бирлашган Араб Амирликларида ўтказилган хайрия кечасида АА9 давлат рақами 10 миллион доллардан қимматроққа сотилганди.
Изоҳ (0)