Qanot Sharq авиакомпанияси Самарқанд—Москва—Самарқанд йўналишида мунтазам қатновларни йўлга қўйди. Бу ҳақда Транспорт вазирлиги хабар қилди.
Қайд этилишича, Самарқанд халқаро аэропортида авиакомпаниянинг мазкур йўналишда амалга оширилган биринчи қатновига хизмат кўрсатилган. Баҳор-ёз мавсуми режаси доирасида авиакомпания Тошкентдан Самарқанд орқали Москва (Внукова) ва Санкт-Петербург шаҳарларига авиақатновларини бажаради.
Самарқанд халқаро аэропортидан Москвага парвозлар ҳафтанинг чоршанба ва пайшанба кунлари маҳаллий вақт билан соат 13:10 да, Тошкентга парвозлар жума кунлари соат 00:45 да амалга оширилади.
Самарқанд шаҳридан халқаро йўналишларда янги қатновларнинг йўлга қўйилиши муносабати билан маҳаллий йўналишларда ҳам қўшимча қатновлар ташкил этилган.
Шунингдек, яқин орада Тошкент—Бухоро, Тошкент—Фарғона, Тошкент—Наманган каби маҳаллий йўналишларда мунтазам авиақатновларни йўлга қўйиш режалаштирилган.
Аввалроқ Uzbekistan Airways Express Тошкентдан Самарага парвозларни йўлга қўймоқчилиги, Uzbekistan Airways Сочига авиақатновларни узайтиргани, Тошкент ва Москва ўртасидаги авиақатновлар сони оширилиши тўғрисида хабар берилганди.
Изоҳ (0)