26 июнь куни Россия томонидан ўққа тутилаётган Киевнинг Шевченковский туманидаги тўққиз қаватли турар жой биносига ракета келиб тушди. Бу ҳақда Украина Фавқулодда вазиятлар давлат хизмати хабар берди.
Зарба оқибатида бинонинг юқоридаги уч қавати қисман вайрон бўлган ва ёнғин бошланган.
Дастлабки маълумотларга кўра, бир киши ҳалок бўлган. Киев мэри Виталий Кличко вайроналар остида ярадорлар борлигини айтди. Хусусан, қутқарувчилар вайроналар остидан етти ёшли қизчани олиб чиққан. Яна икки киши касалхонага ётқизилган.
Изоҳ (0)