«Бавария» Криштиану Роналдуни «Манчестер Юнайтед»дан харид қилмайди.
Спорт1 нашрининг хабарига кўра, 37 ёшли футболчи ҳозирги жамоасидаги ҳолатдан норози ва совринлар қўлга киритишни хоҳлайди. Шунинг учун португалияликнинг вакиллари ҳақиқатан ҳам Мюнхен клубига футболчини сотиб олишни таклиф қилган.
Аммо мюнхенликлар раҳбарияти дарҳол ушбу вариантни рад этди.
Қайд этилишича, Роналдунинг ўтиши «Бавария»даги маошлар тизимига кескин таъсир қилиши мумкин. Шунингдек, бошқарувчилар ўзининг қизиқишларини клубникидан юқори қўювчи футболчи керак эмас, деб ҳисобламоқда.
Аввалроқ Роналдунинг «Манчестер Юнайтед»дан кетиши мумкинлиги ва уни «Бавария» ўз сафига қўшиб олишга ҳаракат қилиши ҳақида хабар берилганди. Кейинчалик мюнхенликлар спорт директори Ҳасан Салиҳамижич миш-мишлар ҳақиқатга тўғри келмаслигини айтиб ўтганди.
Роналду АПЛнинг 2021/22 йилги мавсуми доирасида 30 ўйинда 18 та голга муаллифлик қилди.
Изоҳ (0)