Польша парламенти депутати ва маҳаллий боғбонлар уюшмаси президенти Мирослав Малишевский ўрим-йиғим даврида украиналикларни ўзбеклар билан алмаштиришни таклиф қилди. Бу ҳақда MailBD портали хабар бермоқда.
Польшада мева йиғиш билан боғлиқ вазият украиналикларнинг ҳарбий хизматга чақирилиши сабабли мамлакатни тарк этиши тақиқлангани фонида ишчилар етишмаслиги туфайли ёмонлашмоқда.
Малишевскийнинг сўзларига кўра, польшалик фермерларга юк машиналари ва тракторларни бошқарадиган ходимлар, шунингдек, ўғитлар билан ишлай оладиган ишчилар етишмаяпти.
Кўпгина фермерлар резаворлар ва мевалар бузилиб кетишидан шикоят қилса, истеъмолчилар оширилган нархлардан арз қилмоқда. Шунинг учун ҳам поляклар ҳозирги вазиятда ўзбек ишчиларини Польшага жалб қилиш имкониятларини кўриб чиқмоқда.
«Россиядаги инқироз туфайли тўрт миллиондан ортиқ ўзбекистонликлар ўз ватанларига қайтди, энди улар ишсиз ва Польшага келишга тайёр» — дейди Малишевский.
Изоҳ (0)