Компаниянинг Россиядаги веб-сайтида Nike моно-бренд дўконлари «бошқа очилмаслиги» ҳақида хабар пайдо бўлди. Компания Россияда 1994 йилдан бери фаолият юритаётган бўлиб, шу йилнинг март ойи бошида мамлакатда онлайн савдони тўхтатганди.
Американинг спорт кийимлари ишлаб чиқарувчиси Nike Россия бозоридан бутунлай чиқиб кетмоқда, дея хабар берди Reuters компания баёнотига таяниб.
Компания веб-сайтининг русча версиясида шундай хабар эълон қилинди: «Nike Inc. Россия бозорини тарк этишга қарор қилди. Шу боис, nike.com ва Nike мобил иловаси бу ҳудудда энди ишламайди». Шунингдек, вақтинча ёпилган дўконлар «қайта очилмайди».
Март ойи бошида Nike Россиядаги буюртмаларни қабул қилишни тўхтатди. Май ойи охирида «Ведомости» ИРГ франчайзи мактубига таяниб, Америка компанияси у билан шартномани узайтирмаганини ҳақида ёзди.
Захирадаги маҳсулотлар тугагандан сўнг, рус ҳамкори ушбу бренд остидаги барча дўконларни ёпади. Франчайзи Россияда 36 та дўконга эга.
Изоҳ (0)