АҚШ мексикаликлар ва Марказий Америка аҳолиси учун 300 000 ишчи виза таклифини эълон қилади, деб ёзмоқда Reuters.
Бу ҳақда Мексика ички ишлар вазири Адан Аугусто Лопес маълум қилган. Қўшма Штатлар ушбу таклифни июль ойида Мексика президенти Мануэль Лопес Обрадор Вашингтонга ташриф буюрганида эълон қилади, деди вазир.
«АҚШ ҳукумати билан ҳар куни музокаралар олиб боряпмиз. Улар биринчи навбатда 300 мингта вақтинчалик ишчи визасини беришга рози бўлди, шундан 150 мингтаси мексикаликларга ёки ҳозир Мексикада бўлиб турган ва шимолга кўчиш имкониятини кутаётган хорижликларга берилади», — деди у.
Қолган 150 мингтаси Марказий Америка давлатлари ўртасида мутаносиб равишда тақсимланади, деди Лопес.
Аввалроқ АҚШ расмийлари АҚШ—Мексика чегарасида 1,7 миллион муҳожирни қўлга олган эди, бу мамлакат тарихидаги рекорд кўрсаткичдир.
Изоҳ (0)