Reuters агентлиги 23-24 июнь кунлари бўлиб ўтадиган ЕИ саммити учун тайёрланган таклифлар лойиҳасига таяниб хабар беришича, Россия Федерациясининг олтини ЕИнинг навбатдаги чекловлар пакети доирасида Европа санкцияларининг янги нишонига айланиши мумкин.
«Расмий шахсларнинг сўзларига кўра, ҳозирда янги пакет тайёрланмаса-да, таъсир кўрсатиши мумкин бўлган секторларни аниқлаш бўйича ишлар давом этмоқда ... олтин кейинги мумкин бўлган нишондир», — дея тушунтиради агентлик.
Reuters маълумотларига кўра, санкциялар олтинга таъсир қилиши мумкинлигини тахмин қилган давлатлардан бири Дания. Reuters агентлигига санкция ишлари билан таниш бўлган манбанинг айтишича, Европа комиссияси санкцияларнинг навбатдаги босқичига рус олтинини қўшиш устида ишламоқда.
Reuters хабарига кўра, янги ҳужжатда тўғридан-тўғри санкцияларнинг еттинчи пакети ҳақида сўз юритилмайди ва бу иттифоқ аъзоларининг турли позициялари ўртасидаги келишув бўлади.
Шу тариқа Скандинавия ва Шарқий Европа давлатлари зудлик билан янги санкциялар жорий этишни, Германия ва Нидерландия эса мавжуд чораларни қўллашга эътибор қаратишни таклиф қилди.
Олтин Россия Марказий банкининг асосий активларидан биридир. Ҳарбий амалиёт бошланганидан сўнг Марказий банкнинг 300 миллиард долларга яқин олтин-валюта активлари Ғарб санкцияларига мувофиқ музлатиб қўйилди.
Март ойи охирида АҚШ Ғазначилиги тушунтиришлар эълон қилди, ундан келиб чиқадики, Марказий банк олтини билан боғлиқ ҳар қандай операциялар санкциялар билан хавфи остида қолади. Россия Марказий банки захираларининг қарийб ярми олтинда сақланади.
Россиядаги иккинчи йирик олтин қазиб олувчи «Полиметалл» компанияси вакилларининг таъкидлашича, ишлаб чиқарувчи Ғарб санкциялари остида қолмаган бўлса-да, транспорт компанияларининг ускуналарни ташишдан бош тортиши уларнинг фаолиятига таъсир кўрсатган.
Изоҳ (0)