Ратгерс ва Гарвард университети олимлари таркиби ўсимликка асосланган, пластикдан хавфсизроқ ва экологик тоза плёнка ишлаб чиқди. Бу озиқ-овқатни бактериялардан ва жисмоний шикастланишдан ҳимоя қилиш учун озиқ-овқатга сепиладиган махсус бирикма.
Бундай плёнка биополимер ва полисахарид (озиқ-овқат таркибида энг кенг тарқалган углевод) асосидаги толалардан иборат. Яратилган маҳсулот мева ва сабзавотларни эзилишлардан ҳимоя қилиш учун етарлича кучли, микробларга қарши моддалар (лимон кислотаси, низин ва жамбил ёғи) туфайли бактерия ва вирусларга қарши курашиш имконини беради.
Синовлар давомида бундай плёнка авокадоларнинг сақлаш муддатини 50 фоизга узайтира олди. Шу билан бирга, у уч кун ичида бутунлай парчаланади ва оддий сув билан ювилади. Бундан ташқари, маҳсулотни истеъмолга яроқсиз озиқ-овқатларни қайта ишлаш орқали олиш ҳам мумкин. Натижада ишлаб чиқариш чиқиндилари миқдори янада камаяди.
Изоҳ (0)