Tashqi ishlar vaziri vazifasini bajaruvchi Vladimir Norov 20-iyun kuni Xitoy Xalq Respublikasining O‘zbekistondagi favqulodda va mutor elchisi Szyan Yanni qabul qildi. Bu haqda TIV axborot xizmati xabar qildi.
Qayd etilishicha, muloqot chog‘ida O‘zbekiston va Xitoy o‘rtasidagi amaliy hamkorlikning holati hamda istiqbollari muhokama qilingan. Oliy va yuqori darajadagi muntazam siyosiy muloqotlarni davom ettirish masalalariga e’tibor qaratilgan. Qo‘shma tadbirlar, xususan, O‘zbekistonning SHHTga raisligi doirasidagi forumlarga tayyorgarlik ko‘rish bilan bog‘liq masalalarga alohida e’tibor qaratilgan.
Uchrashuvda tomonlarni qiziqtirgan boshqa masalalar ham ko‘rib chiqilgan.
Izoh (0)