Самарқанд вилояти Иштихон туманида аҳолига ажратилган ун маҳсулотини сотиб юборган МЧЖ раҳбари аниқланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Иштихон туман бўлими томонидан терговга қадар текширув ўтказилган. Унда «Б.» МЧЖ раҳбари Ў.Х. «Оқтошдон» АЖдан тўғридан-тўғри тузилган шартномаларга асосан давлат ресурслари ҳисобидан ажратилган умумий баҳоси 209,8 миллион сўмлик 84,5 тонна ун маҳсулотини дислокацияда белгиланган маҳаллаларга арзонлаштирилган нархларда етказиб бермасдан, савдо нуқталари орқали қиммат нархларда сотиб юборгани аниқланган.
Ҳолат юзасидан Жиноят кодексининг 192-11-моддаси (нодавлат тижорат ташкилотида ёки бошқа нодавлат ташкилотида мансабдор шахслар томонидан ўз ваколатларини суиистеъмол қилиш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Наманган ва Фарғонада аҳолига ажратилган 65 тонна ун қиммат нархларда сотиб юборилгани аниқланди
- Тошкент вилоятида ижарадаги 30 сотих ерни қарийб 340 млн сўмга сотган шахслар ушланди
- Сурхондарёда 741 млн сўмдан ортиқ бюджет маблағларини талон-торож қилган вилоят перинатал маркази мутасаддиларига жиноят иши қўзғатилди
Изоҳ (0)