Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов кунлар тобора исиб бораётгани сабаб машиналар ойнасини қорайтиришни бепул қилиб қўйиш таклифи билан чиқди. Бу ҳақда у ўзининг Telegram’даги каналига ёзиб қолдирган.
Сўнгги пайтларда Ўзбекистонда ёз жуда иссиқ, гоҳида ҳаддан зиёд ёқимсиз иссиқ бўляпти. Булутли иссиқ кунларда эса бош оғриғига чидаб бўлмайди. Қурғоқчилик кучайиб, бундан буёғига янада иссиқ бўлса керак. Шу пайтда агар машина «тонировка»си бепул қилинса, бундан ҳамма ҳайдовчилар, йўловчилар миннатдор бўлар эди. Бу ҳам аслида инсон қадрининг бир кўриниши, одамларга бўлган ғамхўрлик намунасига айланар эди де-э-э-б ўйла-а-аб ўтиргандим тирбанд йўлда, орқамдам бир машина сигнал чалиб чўчитиб юборди.Аввалроқ «Маҳалла» телеканалининг «Минбар» кўрсатувида Орифжон Назаров исмли автомактаб ўқитувчиси «тонировка»нинг болалар руҳиятига салбий таъсир қилиши мумкинлиги ҳақида гапирганди. Адвокат ва автоблогер Камолиддин Баҳавадинов эса Ўзбекистонда «тонировка» учун белгиланган нархлар жуда баландлигини танқид қилган эди. «‘Тонировка’ нархи ҳақида гапирадиган бўлсак, нарх аввал жудаям баланд эди. Образли қилиб айтадиган бўлсак, кейинчалик раҳм қилишиб, орқа ойналарни қорайтириш нархларини пасайтиришди. Олди айланма тонировка нархи эса, бугунги кунда ҳам жуда баланд нахрда, шахсан мен учун космик нархда. Бугунги кундаги ўртача ойлик иш ҳақини ҳисобга олганда ҳам жуда қиммат. Ҳайдовчи ёзда бироз ўзини қулай ҳис қилиши учун олти ойлик маошини емай-ичмай ‘тонировка’ рухсатномаси учун тўлаши шахсан мен учун мантиқсизлик. Инсон ҳуқуқларини очиқдан очиқ поймол қилиш», — дейганди у.Комил Алламжонов, Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси
Эслатиб ўтамиз, Ўзбекистонда 2021 йил 1 сентябрдан ҳайдовчилардан транспорт бошқариш учун ишончнома ва «тонировка» рухсатномасини талаб этиш тартиби бекор қилинган.
Изоҳ (0)