Фарғона вилояти Қувасой шаҳрида Captiva автомашинаси олиб бераман деб фуқарони алдаб, пулларни қўлга киритган шахс жавобгарликка тортилди. Бу ҳақда вилоят Ички ишлар бошқармаси хабар қилди.
Қайд этилишича, 2020 йилнинг январь ойида Ш.А таниши А.Х.нинг ишончига кириб, унга арзон нархда Captiva олиб беришини айтган. Ундан жами 15 минг доллар олиб, ўз эҳтиёжларига сарфлаб юборган.
Ҳолат юзасидан Жиноят кодексининг 168-моддаси (фирибгарлик) 3-қисми билан жиноят иши қўзғатилган.
Олиб борилган тезкор қидирув ҳаракатлари давомида ушбу жиноятни А.У. содир этгани аниқланган. Ҳозирда тергов ҳаракатлари олиб борилмоқда.
Юқорида кўрсатилган жиноятни содир этган шахс ўн йилгача озодликдан маҳрум қилиш билан жазоланиши мумкин.
Аввалроқ Қашқадарёда уч нафар фуқарони темир йўл узелига ишга жойлаштириш учун қарийб 70 млн сўм олган шахс ушлангани, Қашқадарёда камерадош аёлни 25,5 млн сўмга туширган шахс қўлга олингани, Тошкент вилоятида автокредит учун тўланган 1,6 млрд сўмни ноқонуний ўзлаштирган шахс ушлангани ҳақида хабар берилган.
Изоҳ (0)