Тошкент вилояти Чиноз туманида йўл ҳаракати хавфсизлиги бўлими бошлиғига пора таклиф қилган шахс далилий ашё билан ушланди. Бу ҳақда вилоят Ички ишлар бош бошқармаси хабар қилди.
Қайд этилишича, ИИВ Шахсий хавфсизлик бош бошқармаси Тошкент вилояти бўйича бошқармаси ва прокуратура ходимлари ҳамкорлигида тезкор тадбир ўтказилган. Тадбир давомида фуқаро М.Ж. (2000 йилда туғилган, Сурхондарё вилоятида яшовчи) туман ЙҲХБ бошлиғига пора тариқасида 1,5 миллион сўм таклиф қилган. У 1 миллион сўмни бераётган вақтида далилий ашё билан ушланган.
Аниқланишича, ушбу ҳайдовчи бир кун аввал ўзининг Cobalt автомобилида Чиноз тумани ҳудудида ҳаракатланиб кетаётган вақтида ЙПХ ходимининг қонуний талабига бўйсунмаган. Қоидабузарлиги сабаб автомобиль жарима майдонига қўйилган.
Ҳайдовчи эса ходимдан пора эвазига маъмурий баённомани унинг фойдасига ҳал қилишни ва автомашинасини жарима майдонидан олиб чиқиб беришини сўраган.
Ҳолат юзасидан Жиноят кодексининг 211-моддаси (пора бериш) 1-қисми билан жиноят иши қўзғатилган. Ҳозирда тергов ҳаракатлари олиб борилмоқда.
Аввалроқ Чироқчи туман ЙҲХБ бошлиғи 130 минг сўм пора билан қўлга олингани ҳақида хабар берилганди.
Мавзуга доир:
- Андижонда рақамсиз ва ҳужжатларсиз ҳаракатланган Nexia-3 ҳайдовчиси ЙПХ ходимига 300 доллар бераётганда қўлга олинди (видео)
- Тошкент вилоятида автомашинасини жарима майдончасидан чиқариб беришни сўраб, ЙПХ ходимига 5 млн сўм пора таклиф қилган ҳайдовчи қўлга олинди
- Самарқандда ЙПХ инспекторига 600 минг сўм пора беришга уринган фуқаро қўлга олинди
Изоҳ (0)