АҚШ кўпроқ дон экспорт қилиш ва глобал озиқ-овқат инқирозининг олдини олиш мақсадида Украина чегарасида, шу жумладан, Польшада вақтинчалик силослар қуриш режасини маълум қилди. Бу ҳақда The Guardian хабар берди.
Силос — дон сақланадиган ертўла.
Февраль ойи охирида уруш бошланганидан буён дунёдаги бешинчи йирик буғдой экспортчиси — Украинада тахминан 20 млн тонна ғалла қолиб кетди, бу баъзи мамлакатларда очарчилик хавфини келтириб чиқарди.
Россия Украинанинг Қора денгиз портларини қамал қилди. Улар атрофидаги сувлар эса миналар билан тўлдирган.
Шу туфайли юк ташишни қайта бошлашга уринишлар муваффақиятсизликка учради ва 84 га яқин хорижий кема Украина портларида қолиб кетди, уларнинг кўпчилигида дон бор.
Украина ғалласини қутқариш бўйича дипломатик саъй-ҳаракатлар муваффақиятсизликка учрамоқда, чунки дон ишончсиз автомобиль ёки темир йўл орқали эмас, балки денгиз орқали ташилган.
Эндиликда АҚШ ғаллани Вашингтон темир йўли орқали олиб чиқиш режасини ишлаб чиқмоқда, бироқ Украина темир йўллари Европадагидан фарқли — бир оз кенгроқ — шунинг учун донни чегарада бошқа поездларга ўтказиш керак бўлади.
Шундай қилиб, биз Украина чегараларида, шу жумладан, Польшада ҳам вақтинчалик силослар қурамиз, — деди АҚШ президенти Жо Байден.
Аввалроқ БМТ Украина ғалласи бўйича музокаралар тўхтагани сабабли очлик хавфидан огоҳлантирган эди.
Изоҳ (0)