АҚШ Федерал резерв тизими (Фед) 1994 йилдан бери энг катта фоиз ставкасини оширишни маъқуллади.
Фед бу йил ставкаларни тез суръатда оширишни давом эттиришини билдирди, чунки у иқтисодиётни секинлаштирмоқчи ва 40 йиллик энг юқори даражада бўлган инфляцияга қарши курашмоқда.
Расмийлар 15 июнь, чоршанба куни якунланган икки кунлик сиёсат йиғилишида ставканинг 0,75 фоиз пунктига кўтарилишига рози бўлди. Бу эса Федънинг бенчмарк федерал фондлари ставкасини 1,5 фоиздан 1,75 фоизгача оширади.
Федънинг эълонидан кейин қимматли қоғозлар кўтарилди ва АҚШ давлат облигациялари юқорилади.
Янги прогнозлар шуни кўрсатдики, йиғилишда иштирок этган барча 18 амалдор Фед бу йил ставкаларни камида 3 фоизга оширишини кутмоқда. Уларнинг ярми эса Фед фонд ставкасини бу йил 3,375 фоизга кўтариши кераклигини айтмоқда.
Фед раиси Жером Павел матбуот анжуманида Марказий банк рецессияни келтириб чиқармоқчи эмаслигини айтди.
Сўнгги бир неча ойдаги воқеалар иқтисодиётни юмшатишга эришишни қийинлаштирди, — дейди Павел.
Федънинг бу ҳаракати Европа Марказий банки томонидан асосий ставкаларни кутилганидан ҳам кўпроқ оширилишига олиб келиши мумкин.
Молиявий шароитнинг кескинлашуви ортида АҚШ доллари сўнгги савдо сессияларида сезиларли даражада ошди. Яқин орада долларнинг кўтарилишига олиб келаётган жараёнлар тўхтамаслиги айтилмоқда.
Глобал товарлар долларда баҳоланади. Бундай шароитда АҚШ валютасининг мустаҳкамланиши бутун дунё учун жиддий оқибатларга олиб келиши мумкин.
Украинадаги уруш ва геосиёсий тафовутлар натижасида таъминот занжирлари ва харажатлар учун юзага келган қийинчиликлар корпорациялар учун юқори ставкалар таҳдидини кучайтирди.
Федънинг кескинлашуви Европа Марказий банки, Англия банки ва Швейцария банкига ҳам ўз таъсирини ўтказмай қолмайди.
Агар бошқа Марказий банклар ўз валютасининг қадрини ушлаб туриш ёки ошириш мақсадида ставкаларни оширишса, эҳтимол, долларнинг баҳоси пасая бошлаши мумкин.
Аввалроқ АҚШда инфляция 40 йиллик юқори даражага кўтарилиб, Байденга босим ўтказаётгани ҳақида хабар берилган эди.
Изоҳ (0)