Grazia нашри тақдим этган бугунги қаҳрамонлар бошқаларга ўхшамайди. Уларнинг оиласида доимгидек аёллар турмуш ўртоғидан бир неча ёшга кичик эмас, аксинча каттароқ. Аммо бу «бахт» туйғусини ҳис қилишга монелик қилмайди.
Аарон Тэйлор Жонсон
Аарон Сем Тэйлор билан учрашганида 19 ёшда эди. Улар 2008 йилда «Жон Леннонга айланиш» фильмининг суратга олиш майдончасида учрашган: Сем картина режиссёри эди. Актёр ўша пайтда 42 ёшли Семга эътиборини қаратди. Атрофдагилар бунга қарши бўлса-да, иккиси ҳам муносабатларнинг жиддийлашиб кетишининг олдини ололмади. Ўша пайтда Семнинг орқасида муваффақиятсиз никоҳ ва бундан ташқари, икки марта мағлуб этган саратон касаллиги бор эди.
Аввалига кўпчилик ёш актёр режиссёр билан ишқий муносабатда бўлиб Голливудга йўл олмоқчи, деб гумон қилди, аммо вақт ҳамма нарсани ўз ўрнига қўйди. Улар учрашганидан уч йил ўтгач, турмуш қурди ва ҳозирда икки нафар фарзандни тарбиялаб келмоқда. Аароннинг таъкидлашича, унинг рафиқаси ўзидан кўра кўпроқ энергияга эга ва ёшдаги фарқ мутлақо сезилмайди.
Ник Жонас
Приянка Чопра ва Ник Жонас учраша бошлаганидан икки ой ўтиб унаштирилган. Жуфтликнинг яқин дўстлари Ник ҳар доим ўзидан катта аёлларни ёқтиришини бир неча бор таъкидлаган. Шунинг учун Приянканинг 10 ёш фарқини танқидий деб ҳисобламаган. Ник актрисани кўндириш учун узоқ вақт сарфламади: у хурсандчилик билан унга турмушга чиқиш таклифига рози бўлди. Ҳинд анъаналари бўйича тўй 2018 йил декабрь ойида бўлиб ўтди. Тўрт йил ўтгач, жуфтликнинг оиласида суррогат она ёрдамида қизалоқ дунёга келди.
Хью Жекман
Хью Жекман 53 ёшда ва унинг рафиқаси Дебора-Ли Фернесс 66 ёшда. Улар 1995 йилда «Коррелли» сериалини суратга олиш жараёнида танишишган. Кейин Хью жиноятчи, Деббора эса қамоқхона психологи ролини ижро этди. Актёрни ҳамкасби дарҳол уни ўзига мафтун этди, лекин у жавоб беришга шошилмади. Актриса ёш орасидаги фарқдан хижолатда эди: у Жекман ёшроқ аёлга эътибор бериши керак, деб ҳисобларди. Бироқ, Деборанинг онаси уни ҳеч бўлмаганда синаб кўриш кераклигига ишонтирди. Актриса рози бўлди. Тўрт ойлик муносабатдан сўнг Хью унга турмушга чиқишни таклиф қилди ва 1996 йилда улар оила қурди. Дебора икки марта ҳомиладор бўлди, аммо фарзандлари нобуд бўлди. Жуфтлик умидсизликка тушмади: 2000 йилда улар ўғил асраб олди ва беш йилдан кейин уларнинг оиласида қиз ҳам пайдо бўлди.
Том Каулиц
Хайди Клум ва Tokio Hotel гуруҳининг етакчи қўшиқчиси турмуш қуришдан олдин бир йил давомида учрашди. 2019 йилда улар яширинча турмуш қурди. Юлдузлар деярли олти ой давомида оилавий ўзгаришларни яширишга муваффақ бўлди. Шу билан бирга, Хайдини 17 ёшли ёш фарқ безовта қилмади. Чунки унинг ташқи кўриниши эридан ёшроқ кўринади. Бундан ташқари, Том соқол қўйган, энди унинг ҳам ёши каттароқ кўриниши табиий.
Эммануэль Макрон
Франциянинг энг ёш президенти ва унинг рафиқаси ўртасидаги муносабатлар ҳақида бир нечта фильм суратга олиш мумкин. Брижит Эммануэлдан 24 ёш катта. Макрон 15 ёшида у билан танишган. Брижит адабиётдан дарс берарди, сўнгра у турмушга чиқиб, болаларни тарбияси билан банд бўлди. Аммо Эммануэль уни унута олмади.
Бўлажак сиёсатчининг отаси ўғлини кичик Амен шаҳридан Парижга ўқишга юбориб, унинг хаёлини боша нарса билан банд қилишга ҳаракат қилди. Аммо Брижит ва Эммануэль ўртасидаги ёзишмалар давом этди: натижада ўқитувчи эри билан ажрашишга қарор қилди. Макроннинг ўзи бир неча бор таъкидлаганидек, айнан рафиқаси туфайли сиёсий карьерасини қурган. Жуфтликнинг фарзандлари йўқ, Брижитнинг биринчи турмушидан учта фарзанди, шунингдек, етти набираси бор.
Изоҳ (0)