Ким Кардашьян узоқ вақтдан бери шунчаки реалити-шоу юлдузи бўлишни тўхтатган. У ўзининг шахсий бизнесига эга ва бу унга яхшигина даромад келтиради. Шунингдек, Ким гўзаллик бренди ва, албатта, суратга тушишдан ҳам фойда олади. Эҳтимол, у Instagram’да осонгина пул топиши мумкиндир, лекин саҳифасида фақат ўзининг ва оила аъзоларининг брендларини реклама қилади, деб ёзади Grazia.
Бунинг ажабланарли жойи йўқ, у шу тарзда Forbes’нинг ўз кучи билан муваффақиятга эришган энг бой аёллар (16-ўрин) рейтингига кирди. 41 ёшли юлдузнинг бойлиги 1,8 миллиард долларни ташкил қилади. Ким ҳатто яқинда фарзандини дунёга келтирган Рианнани ҳам ортда қолдиришга муваффақ бўлди.
Forbes рейтингига кўра, 21-ўринни эгаллаб турган Рианна 1,4 миллиард доллар эгаси ҳисобланади. Қизиғи шундаки, хонанда узоқ вақтдан бери янги альбом чиқармаган, лекин унинг асосий даромад манбаи мусиқа. Fenty гўзаллик бренди эса иккинчи ўринда туради. Айтганча, у муваффақиятга эришган биринчи 25 нафар аёллар орасида 34 яшар қўшиқчи энг ёши ҳисобланади. Айтганча, Ким Кардашьян ҳам бошқалардан 10 ёшга ёшроқ.
Бироқ, иккала юлдуз ҳам ғолибликни 68 ёшли Опра Уинфрига бой берди. У 2,6 миллиард доллар бойлиги билан рейтингда ўнинчи ўринни эгаллади. Журналистлар телекўрсатувларни унинг ягона даромади деб аташган.
Ушбу нуфузли рейтингда биринчи бўлган аёлнинг исми кўпчиликка нотаниш бўлса керак. 75 ёшли Даян Хендрикс АBC Supply том ёпиш компанияси асосчиси ва раиси ҳисобланади. Унинг бойлиги 12,8 миллиард долларни ташкил этади.
Изоҳ (0)