Ўзбекистонда магистратурага қабул бир йилда икки марта ташкил этилади. Бу «Давлат олий таълим муассасаларига ўқишга қабул қилиш жараёнларини ташкил этиш тўғрисида»ги қарорда белгиланган, деб хабар берди Олий таълим вазирлиги.
Ҳужжатга кўра, 2022/2023-ўқув йилидан бошлаб давлат олий таълим муассасаларида:
- ўқишга қабул қилишнинг давлат буюртмаси параметрлари президент фармойишига кўра тасдиқланади;
- бакалавриат йўналишлари бўйича масофавий таълим шакли жорий этилади;
- магистратурага қабул абитуриентнинг бакалавриат диплом бали ўртача кўрсаткичи ҳамда хорижий тилни билиш даражаси бўйича тегишли миллий ёки халқаро сертификат асосида амалга оширилади, мутахассислик фанидан имтиҳон ўтказилмайди.
2023/2024-ўқув йилидан бошлаб давлат олий таълим муассасаларига ўқишга қабул қилишнинг давлат буюртмаси параметрлари фақат давлат гранти бўйича тасдиқланади.
Изоҳ (0)