Бундай қадамга асосий ҳуқуқ-тартибот гуруҳлари, қурол назорати тарафдорлари ва штатдаги ўқитувчилар касаба уюшмалари қарши чиқмоқда, бир нечта полиция бўлимлари ва мактаб округлари эса қарорни қўллаб-қувватлаяпти.
Янги қонунчиликка кўра, ўқитувчилар ва ходимлар кўпи билан 24 соатлик машғулотдан сўнг, мактабга ўқотар қурол олиб киришлари мумкин бўлади.
Огайо губернатори, республикачи Майк Девин душанба куни округдаги мактаб ишчиларни қуроллантиришга рухсат берувчи қонунни имзолади. Қонунга кўра, ходим қўлига қурол олиши учун 24 соатгача қурол билан машғулот ўтиши ва йилига саккиз соатгача машғулотларга бориши керак.
«Ўқув дастурлари Огайо Мактаб хавфсизлиги маркази томонидан тасдиқланиши керак ва агар мактаблар истаса, қўшимча таълим беришлари ҳам мумкин» — дейди губернатор.
Огайо штати, шунингдек, хавфсизлик масалалари бўйича округлар билан ишлаш ва янги қонун бўйича машғулотлар ўтказиш учун Мактабнинг хавфсизлиги марказига 28 нафар ходимни қўшмоқда.
Губернатор қуролли мактаб округларига мактаб ресурсларидан қуролли зобитлар ёллашни афзал кўришини айтди, аммо қонун болаларни ҳимоя қилишни хоҳлайдиган округлар учун яна бир восита эканлигини таъкидлади.
Шунингдек, у ушбу қонун мажбурий эмас, балки ихтиёрий эканлигини айтиб ўтди.
Давлат соғлиқни сақлаш департаменти маълумотларига кўра, ўтган йили қарийб 120 нафар бола ўқотар қуроллардан ҳалок бўлган, таққослаш учун 2020 йилда бу сон тўқсон олтитани, 2019 йилда эса етмиш биттани ташкил қилган.
Изоҳ (0)