Bunday qadamga asosiy huquq-tartibot guruhlari, qurol nazorati tarafdorlari va shtatdagi o‘qituvchilar kasaba uyushmalari qarshi chiqmoqda, bir nechta politsiya bo‘limlari va maktab okruglari esa qarorni qo‘llab-quvvatlayapti.
Yangi qonunchilikka ko‘ra, o‘qituvchilar va xodimlar ko‘pi bilan 24 soatlik mashg‘ulotdan so‘ng, maktabga o‘qotar qurol olib kirishlari mumkin bo‘ladi.
Ogayo gubernatori, respublikachi Mayk Devin dushanba kuni okrugdagi maktab ishchilarni qurollantirishga ruxsat beruvchi qonunni imzoladi. Qonunga ko‘ra, xodim qo‘liga qurol olishi uchun 24 soatgacha qurol bilan mashg‘ulot o‘tishi va yiliga sakkiz soatgacha mashg‘ulotlarga borishi kerak.
“O‘quv dasturlari Ogayo Maktab xavfsizligi markazi tomonidan tasdiqlanishi kerak va agar maktablar istasa, qo‘shimcha ta’lim berishlari ham mumkin” — deydi gubernator.
Ogayo shtati, shuningdek, xavfsizlik masalalari bo‘yicha okruglar bilan ishlash va yangi qonun bo‘yicha mashg‘ulotlar o‘tkazish uchun Maktabning xavfsizligi markaziga 28 nafar xodimni qo‘shmoqda.
Gubernator qurolli maktab okruglariga maktab resurslaridan qurolli zobitlar yollashni afzal ko‘rishini aytdi, ammo qonun bolalarni himoya qilishni xohlaydigan okruglar uchun yana bir vosita ekanligini ta‘kidladi.
Shuningdek, u ushbu qonun majburiy emas, balki ixtiyoriy ekanligini aytib o‘tdi.
Davlat sog‘liqni saqlash departamenti ma’lumotlariga ko‘ra, o‘tgan yili qariyb 120 nafar bola o‘qotar qurollardan halok bo‘lgan, taqqoslash uchun 2020-yilda bu son to‘qson oltitani, 2019-yilda esa yetmish bittani tashkil qilgan.
Izoh (0)