Федерал жазони ижро этиш хизмати ходимлари россиялик мухолифат сиёсатчиси Алексей Навальнийни Владимир вилоятининг Покров шаҳрида жойлашган 2-сонли колониядан олиб кетди, дея хабар берди мухолифат етакчисининг иттифоқчиси Леонид Волков.
«Алексей Навальний колониядан олиб кетилди. Уни кўргани келган адвокатни соат 14:00 гача назорат-ўтказиш пунктида ушлаб туришган, кейин эса «бундай маҳкум бу ерда йўқ», деб жавоб беришган. Алексей ҳозир қаерда ва қайси колонияга олиб кетилганини билмаймиз» — деган Волков.
Навальнийнинг матбуот котиби Кира Ярмишнинг айтишича, унинг кўчирилиши ҳақида унинг адвокатлари ва яқинларига олдиндан хабар берилмаган.
Унинг таъкидлашича, миш-мишларга кўра, улар сиёсатчини қаттиқ режимдаги ИК-6 Мелехово колониясига ўтказмоқчи эди, аммо бу қанчалик ҳақиқатлиги номаълум.
«Нафақат бошқа колонияга ўтказиш муаммоси, қаттиқ режимли колонияга кўчирилиши жуда ёмон. Биз Алексейнинг қаердалигини билмасак ҳам, у аллақачон уни ўлдиришга ҳаракат қилган тизим билан ёлғиз қолади. Шунинг учун энди асосий вазифа уни имкон қадар тезроқ топишдир » — деган Ярмиш.
Изоҳ (0)