Ўз даврининг соҳибжамоли, кўпчиликнинг етишиб бўлмас орзуси бўлган Мерилин Монронинг ҳар доим ажойиб кўринишига имкон берадиган ва ҳар қандай томошабинни ақлдан оздириши кафолатланган бир нечта сирлари ҳақида гаплашамиз.
Уйқу — ҳамма нарсадан устун
Мерилин уйқуга кетишдан аввал гўзаллик муолажаси сифатида юзини сув тўлдирилган иссиқ идишга ботирган. Актриса сифатли дам олишни ҳамма нарсадан устун деб биларди. «Якшанба — менинг ягона дам олиш куним, баъзан икки соат олдин уйғонаман ва эрталабки одатимнинг ҳар бир дақиқасидан завқланаман», — деган у интервьюларининг бирида.
Қорайишга қарши
Мерилин қуёшда қорайиш ишқибози эмас эди. Бир марта у шундай деган: «Калифорниядаги модага қарамай, мен қорайган терини жозибали ёки соғлом деб ҳисобламайман. Шахсан мен офтобда қорайишга қаршиман, чунки ўзимнинг оқ-сариқлигимни яхши кўраман. Шунинг учун Монро одатда қуёшдан узоқроқда бўлиб, юзига ҳимоя кремини суртиб юрган.
Момиқ киприклар
Мерилиннинг сеҳри жуда жозибали ва айни пайтда табиий кўринишга эга бўлганида эди. Бу жозибанинг бир қисми киприклар билан боғлиқ. Киприкларини узунроқ ва қалинроқ қилиш учун Монро сунъий киприкнинг ярмини кесиб ташлаб, қолган ярмини ҳар бир кўзнинг фақат ташқи бурчакларига ёпиштирган.
Қайрилма қошлар
Қошлар шакли юзнинг шаклига боғлиқ бўлади. Мерилиннинг юзи думалоқ бўлгани учун ўзига мос мукаммал вариантни ўйлаб топади. У енгил бурчакли эгри қошларни афзал кўради, Мерилин ҳар сафар омма олдига чиқишдан олдин қошларини визажистларга чиздирган. Натижада қошларининг ўткир учлари пешонасининг кенглигини визуал равишда камайтирган.
Контур чизилган лаблар
Мерилиннинг лаблари аслида чиройли бўлмаган. Ҳар куни актриса лабларидаги энг кичик бурмаларни ҳам контурда чизиб, мукаммалликка олиб келган. Шу билан бирга, қизил рангнинг камида беш хилини ишлатган. Ушбу услубни Монронинг визажисти Алан Снайдер ўйлаб топган. У лабларнинг ташқи бурчаклари учун қизилнинг қуюқроқ рангини, ёрқинлик динамикасини яратиш учун ўртасида енгилроқларини ишлатган. Бундан ташқари, «шиширилган» эффектига эришиш учун пастки лабнинг ўртасида хайлайтердан фойдаланган. Жон Кеннеди бу гўзалликни яқиндан кузатиб, ўз ҳис-туйғуларини тия олмагани бекорга эмас.
Кўз қовоқлари учун вазелин
Ҳозирда намланган кўз қовоқлари модага айланди, аммо Мерилин бу масалада биринчилардан бўлган. У кўз қовоқлари ялтираши учун вазелин ёки кокос мойи суртишни яхши кўрган.
Изоҳ (0)