Шавкат Мирзиёев 13 июнь куни ўтказилган стандартлаштириш соҳасига доир йиғилишда бир қатор агентлик ва идораларга топшириқлар берди. Бу ҳақда президент матбуот котиби хабар қилди.
Қайд этилишича, Ўсимликлар карантини ва ҳимояси агентлигига:
- Қишлоқ хўжалиги вазирлиги ва вилоят ҳокимлари билан бирга мева-сабзавот етиштирилаётган 200 минг гектар майдонни халқаро талабларга мослаштириш;
- йил якунигача 249 та мева-сабзавот кластерлари билан ишлаб, халқаро бозорларга экспорт қиладиган корхоналар сонини 400 тагача ошириш топширилган.
Ветеринария қўмитасига вилоят ҳокимлари билан бирга йил якунига қадар чорвачилик маҳсулотларини экспорт қилувчилар сонини 1,5 бараварга ошириб, 700 тага етказиш топширилган. Санитария-эпидемиологик осойишталик хизматига вилоят марказларидаги 14 та лабораторияни халқаро аккредитациядан ўтказиш вазифаси қўйилган. Божхона қўмитасига 1 октябргача экспорт, импорт ва транзит бўйича барча сертификат ва рухсатномаларни Ягона дарча орқали юритишни йўлга қўйиш топширилган.
Изоҳ (0)