Футбол бўйича Миллатлар Лигасининг 3-туридан ўрин олган бир қатор ўйинлар 10 июнь тунида бўлиб ўтди.
Франция терма жамоаси ўз майдонида Австрияни қабул қилди. Учрашувда ҳисоб 37-дақиқада Андреас Вайманн томонидан очилди. Шу натижа ўйиннинг катта қисмида сақланиб турди. Фақатгина ўйин тугашига саноқли дақиқалар қолганида Килиан Мбаппе французларни мағлубиятдан қутқариб қолган голга муаллифлик қилди — 1:1. Шу тариқа Франция қийинчилик билан бир очкога эришди.
Хорватия Дания майдонига сафар қилди ва Марио Пашаличнинг голи эвазига ғалабани қўлга киритди. Беларусь ва Қозоғистон ўртасидаги ўйин эса 1:1 ҳисобида якунланди.
Миллатлар Лигаси
3-тур баҳслари
10 июнь, жума
Австрия – Франция 1:1
Голлар: 1:0 – 37 Вайманн, 1:1 – 83 Мбаппе.Австрия: Пенц, Лайнер (Лазаро, 54), Алаба (Данзо, 69), Траунер, Вебер, Лаймер, Забитцер, Шлагер, Зайвалд, Арнаутович (Онисиво, 63), Вайманн (Грегорич, 64).
Франция: Льорис, Павар, Конате, Салиба, Эрнандес, Камара, Тчуамени (Гендузи, 63), Бензема, Гризманн (Мбаппе, 63), Коман (Нкунку, 79), Диаби.
Огоҳлантиришлар: Лайнер (9), Зайвалд (17), Забитцер (89), Данзо (90).
Дания – Хорватия 0:1
Гол: 0:1 – 69 Пашалич.
Дания: Шмейхель, Кристенсен, Андерсен, Меле, Дилэйни, Эриксен, Ҳёйбьерг, Дамсгор (Брэйтуэйт, 62), Васс (Кристенсен, 61), Корнелиус (Винд, 61), Ольсен (Поульсен, 83; Сков, 90).
Хорватия: Ливакович, Врсалко (Станишич, 46), Эрлич, Шутало, Юранович, Брозович, Пашалич, Якич (Ковачич, 46), Иванушес (Модрич, 46), Крамарич (Будимир, 77), Оршич (Влашич, 58).
Огоҳлантиришлар: Корнелиус (8), Андерсен (67), Станишич (75), Будимир (86).
Изоҳ (0)