Франциялик мутахассис Зинедин Зидан тез орада «ПСЖ» бош мураббийига айланади, дея хабар бермоқда Mundo Deportivo.
Парижликлар мураббийнинг барча шартларини бажарган. 11 июнь — томонлар ўртасидаги музокараларнинг асосий куни. 49 ёшли мутахассис дунёнинг энг кўп маош олувчи мураббийига айланади. Бироқ музокараларда пул ҳеч қачон тўсиқ бўлмаган.
Зидан хоҳлаган асосий нарса жамоа устидан тўлиқ спорт назоратини ўрнатиш, бунинг учун эса клуб Леонардо билан хайрлашиши керак бўлади. Шунингдек, раҳбариятга ҳужумчи Килиан Мбаппени сақлаб қолиш талабини ҳам қўйган. Иккала вазифа ҳам бажарилди.
Зиданнинг «ПСЖ» бошқарувига ўтишида ягона муаммо французнинг «Марсель» билан муносабатлари ҳисобланади. Зинедин узоқ йиллардан буён «Олимпик» мухлиси бўлиб, жамоа мухлислари Зиданнинг принципиал рақиб бош мураббийи этиб тайинлашинига салбий муносабат билдириши мумкин.
Зидан 2016 йилдан 2021 йилга қадар (орада бир йил танаффус билан) «Реал Мадрид» бош мураббийи лавозимида фаолият олиб борган. Француз мадридликлар билан 2 марта Испания чемпионати, 2 марта Испания Кубоги, 3 марта Чемпионлар Лигаси, 2 марта УЕФА Суперкубоги, 2 марта клублар ўртасидаги Жаҳон чемпионати ғолиблигини қўлга киритган.
Изоҳ (0)