Японияда энергия инқирози. Ҳукумат аҳолидан камроқ энергия сарфлашни сўради

Япония мамлакат фуқаролари ва компанияларига электр энергиясини тежаш бўйича мурожаатларни кучайтирмоқда. Бу ҳақда Bloomberg хабар берди. 

Бу чоралар ёзги энергия таъминотидаги узилиш ва иена курсининг пасайиши фонида ёнилғи импорти нархининг ошиши билан боғлиқ. 

Япония Савдо вазирлиги маълумотларига кўра, Бош вазир Фумио Кисида ҳукумати келгуси ойларда ва қишда қаттиқ таъминотга тайёргарлик кўраётган электр энергияси истиқболларини муҳокама қилишга бағишланган беш йил ичида биринчи миллий йиғилишни ўтказди.

Бу ёз ва келгуси қишда электр таъминоти жуда қийин бўлади. Уй хўжаликлари ва корхоналар фойдаланилмаётган хоналар ва коридорлардаги чироқларни ўчириши ва музлатгичнинг ҳароратини пасайтириши керак, — деди Вазирлар маҳкамаси бош котиби Хироказу Мацуно. 

Ўтган ой Токио аҳолисидан кунига бир соат камроқ телевизор кўриш ёки ҳожатхона ўриндиқларида иситгич функцияларини ўчириш каби чоралар кўриш орқали электр энергияси истеъмолини камайтириш сўралган.

7 май кунги йиғилиш ҳужжатларига кўра, бўш турган иссиқлик электр станцияларини қайта ишга тушириш ва тармоқ операторларига охирги чора сифатида режалаштирилган узилишларни муаммосиз бошлашга ёрдам бериш учун тайёргарлик кўрилмоқда. 

Расмийлар уй хўжаликлари ўртасида энергия тежаш чораларини тарғиб қилиш бўйича саъй-ҳаракатларни кенгайтирмоқда.

Ҳукумат хориждан ёқилғи, хусусан, суюлтирилган газни харид қилишда иштирок этишни кучайтиради.

Бутун дунё бўйлаб электр тармоқлари жорий ёзда пандемиядан кейинги талабнинг кучайиши, кўплаб минтақаларда ҳароратнинг ошиши ва Украинадаги уруш оқибатида газ ва кўмир бозорларидаги узилишлар туфайли ёқилғи нархи ошиши билан кучли босим остида қолган. 

Айниқса Япония қаттиқ глобал бозорга дучор бўлмоқда, чунки у жуда кўп ёқилғи импортига таянади.

Шимолий ва шарқий Японияда ҳам июнь ва август ойларида ҳароратнинг меъёрдан юқори бўлиши эҳтимоли 50 фоизга етади.

Январь ва февраль ойларида Токиода ҳолат салбий бўлиши кутилмоқда, бу эса электр токининг узилишига олиб келади.

Аввалроқ Японияда инфляция рекорд даражага етгани ҳақида хабар берилган эди.