Тошкент шаҳри Яккасарой туманида 7 июнь куни Matiz автомашинаси йўл четидаги дарахтга урилди. Бу ҳақда шаҳар Ички ишлар бош бошқармаси хабар қилди.
Қайд этилишича, йўл-транспорт ҳодисаси шу куни соат тахминан 04:00 ларда Яккасарой тумани Бобур ва Шота Руставели кўчалари кесишмасида содир бўлган. Ҳайдовчи (1989 йилда туғилган) Б.А. Matiz автомашинасида ҳаракатланиб, тезлик оқибатида рул бошқарувини йўқотган ва йўл четидаги дарахтга урилган.
ЙТҲ оқибатида машина ҳайдовчиси ҳамда унинг йўловчиси З.К. (2000 йилда туғилган) воқеа жойида вафот этган.
Ҳолат юзасидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 3-қисмида назарда тутилган жиноят аломатлари билан жиноят иши қўзғатилган.
Изоҳ (0)