Самарқанд вилоятининг Қўшработ туманида катта тезликда ҳаракатланиб, бошқарувни йўқотган Damas ағдарилиб кетди, деб хабар беради вилоят ИИБ ахборот хизмати.
Маълум қилинишича, 1 июнь куни соат 07:30 ларда туманнинг «Қўрғон» МФЙ ҳудудидан ўтувчи 4Р-55 автомобиль йўлининг 15-километрида Damas русумли транспорт воситаси катта тезликда ҳаракатланиб келиб, бошқарувни йўқотиб, йўлнинг ўнг тарафига ағдарилиб кетган.
Оқибатда транспорт воситасида бўлган ҳайдовчи ва икки нафар йўловчи тан жароҳатлари олиб, туман тиббиёт бирлашмасига мурожаат қилган.
Ҳолат юзасидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 1-қисми билан жиноят иши қўзғатилиб тергов ҳаракатлари олиб борилмоқда.
Аввалроқ Жиззахда катта тезликда ҳаракатланган Lacetti автомобили Nexia-3 ва Damas билан тўқнашгани, Жиззахда «КамАЗ»га ортилган ортиқча юк ағдарилгани, Тошкентда тезликни оширган Cobalt йўл четидаги бетон устунга бориб урилгани тўғрисида хабар берилганди.
Изоҳ (0)