АОКАда Фанлар академияси, илмий тадқиқот институтлари, масъул вазирликлар мутасаддилари иштирокида матбуот анжумани ўтказилди. Унда уй-жой қурилиши соҳасида амалга ошириладиган ишлар тўғрисида маълумот берилди.
Қайд этилишича, кўп квартирали уй-жойлар зилзилабардошлик бўйича хатловдан ўтказилади. Хатлов натижасига кўра, эксплуатация муддатини ўтаб бўлган сейсмик заиф ва авария аломатлари аниқланган кўп квартирали уй-жойлар ўрнида босқичма-босқич янги уй-жойлар қуриш бўйича таклифлар маҳаллий давлат ҳокимияти органларига киритиб борилади. Бунда сейсмик заиф уй-жойларни таъмирлаш ёки янгисини қуриш, уй-жойларда яшаётган аҳолининг тўла ҳақ-ҳуқуқини таъминлаган ҳолда амалга оширилиши шарт.
Маълум қилинишича, мамлакатнинг 78 фоиз ер майдони сейсмик фаол ҳудудларда жойлашган. МСК-64 шкаласи бўйича 6 ва ундан юқори баллик ер силкинишлари доимий равишда содир бўлиши кузатилади.
Изоҳ (0)