Голливуд юлдузларининг орзу қилган, аммо ўйнай олмаган роллари (фото)

Севимли қаҳрамонларимизни ўйнаган юлдузлар бутунлай бошқа фильмларни томоша қилишаётганини билиш биз учун бироз ғалати. Гарчи улар дунё юлдузига айланган бўлса-да, бу уларининг карьерасидаги орзуларини тўлиқ амалга ошганлигини англатмайди. Қуйида сиз севган машҳурлар ўйнашни орзу қилган роллари ҳақида гапиришади.

Киану Ривз — Росомаха

Биз «Росомаха» фильмида Хью Жекманни кўришга ўрганиб қолганмиз, бироқ маълум бўлишича, Киану Ривз ҳам бу образни ўйнашни хоҳлаган. Бироқ ўзи айтганидек, бу ролни ўйнашига энди «жуда кеч» бўлган, аммо бошқа актёр бу ролга жуда мос тушган. Marvel Studios президентининг айтишича, «Матрица» юлдузини «деярли ҳар бир фильмда» кўришга ҳаракат қилишган.

Том Ҳолланд — Жеймс Бонд

У 2017 йилдан бери машҳур Ўргимчак одам ролини ўйнамоқда. Бироқ британиялик актёр ёш Жеймс Бонд ролини ўйнашни орзу қилади. «Ўргимчак одамни ўйнаш — бу қувонч ва шараф, лекин агар улар ёш Жеймс Бонд ҳақида фильм суратга олишса, бу фильмда қатнашган бўлардим», — дейди Том.

Скарлетт Йоханссон — Disney маликаси

Экранда кўплаб ёрқин образларни, жумладан, «Капитан Америка»да Наташа қиёфасини яратган актриса Disney маликаси ролини ўйнашни орзу қилади. Шунингдек, кичкина қизи ҳам онасини малика ролида кўришни хоҳлайди. Бироқ Скарлетт бундай бўлмаслиги эҳтимоли катта эканини ҳам тан олади: «Мен бу ролни сўнгги 20 йил давомида сўраганман, лекин ҳеч ким мени таклиф қилмаган».

Уилл Феррелл — Саймон Коуэлл

Комедиячининг айтишича, унинг орзуси катта экранда The X Factor ва American Idol ҳаками Саймон Коуэллни ўйнаш. «Уни ўйнаш мен учун қийин бўлмайди, чунки Саймон Коуэллда Рон Бургунди жиҳатлари кўп деб ўйлайман», — деб тушунтиради у. Рон Уиллнинг машҳур қаҳрамонларидан бири ҳисобланади.

Женнифер Лоуренс — Брижит Жонс

«Ҳаёт-мамот ўйинлари» юлдузи Брижит Жонс ролини ўйнашни хоҳлашини тан олади. Унинг айтишича, бу унинг севимли фильми ва бу фильм ҳар доим унга ўзини яхши ҳис қилишига ёрдам беради: «Мен Англияда яшамасам ҳам ватанни соғинганимда бу фильмни томоша қиламан», — дейди у.

Дэниэл Редклифф — Ўргимчак одам

«Гарри Поттер» фильмлари юлдузи суперқаҳрамонлар ҳақидаги фильмларни яхши кўради. Унинг фикрича, у яхши Ўргимчак одам бўлиши мумкин. Шунингдек, у Том Холландни суперқаҳрамон ролида кўрганидан жуда хурсанд эканини, чунки у бу ролга жуда мос келишини қўшимча қилади.