Sevimli qahramonlarimizni o‘ynagan yulduzlar butunlay boshqa filmlarni tomosha qilishayotganini bilish biz uchun biroz g‘alati. Garchi ular dunyo yulduziga aylangan bo‘lsa-da, bu ularining karyerasidagi orzularini to‘liq amalga oshganligini anglatmaydi. Quyida siz sevgan mashhurlar o‘ynashni orzu qilgan rollari haqida gapirishadi.
Kianu Rivz — Rosomaxa
Biz “Rosomaxa” filmida Xyu Jekmanni ko‘rishga o‘rganib qolganmiz, biroq ma’lum bo‘lishicha, Kianu Rivz ham bu obrazni o‘ynashni xohlagan. Biroq o‘zi aytganidek, bu rolni o‘ynashiga endi “juda kech” bo‘lgan, ammo boshqa aktyor bu rolga juda mos tushgan. Marvel Studios prezidentining aytishicha, “Matritsa” yulduzini “deyarli har bir filmda” ko‘rishga harakat qilishgan.
Tom Holland — Jeyms Bond
U 2017-yildan beri mashhur O‘rgimchak odam rolini o‘ynamoqda. Biroq britaniyalik aktyor yosh Jeyms Bond rolini o‘ynashni orzu qiladi. “O‘rgimchak odamni o‘ynash — bu quvonch va sharaf, lekin agar ular yosh Jeyms Bond haqida film suratga olishsa, bu filmda qatnashgan bo‘lardim”, — deydi Tom.
Skarlett Yoxansson — Disney malikasi
Ekranda ko‘plab yorqin obrazlarni, jumladan, “Kapitan Amerika”da Natasha qiyofasini yaratgan aktrisa Disney malikasi rolini o‘ynashni orzu qiladi. Shuningdek, kichkina qizi ham onasini malika rolida ko‘rishni xohlaydi. Biroq Skarlett bunday bo‘lmasligi ehtimoli katta ekanini ham tan oladi: “Men bu rolni so‘nggi 20 yil davomida so‘raganman, lekin hech kim meni taklif qilmagan”.
Uill Ferrell — Saymon Kouell
Komediyachining aytishicha, uning orzusi katta ekranda The X Factor va American Idol hakami Saymon Kouellni o‘ynash. “Uni o‘ynash men uchun qiyin bo‘lmaydi, chunki Saymon Kouellda Ron Burgundi jihatlari ko‘p deb o‘ylayman”, — deb tushuntiradi u. Ron Uillning mashhur qahramonlaridan biri hisoblanadi.
Jennifer Lourens — Brijit Jons
“Hayot-mamot o‘yinlari” yulduzi Brijit Jons rolini o‘ynashni xohlashini tan oladi. Uning aytishicha, bu uning sevimli filmi va bu film har doim unga o‘zini yaxshi his qilishiga yordam beradi: “Men Angliyada yashamasam ham vatanni sog‘inganimda bu filmni tomosha qilaman”, — deydi u.
Deniel Redkliff — O‘rgimchak odam
“Garri Potter” filmlari yulduzi superqahramonlar haqidagi filmlarni yaxshi ko‘radi. Uning fikricha, u yaxshi O‘rgimchak odam bo‘lishi mumkin. Shuningdek, u Tom Xollandni superqahramon rolida ko‘rganidan juda xursand ekanini, chunki u bu rolga juda mos kelishini qo‘shimcha qiladi.
Izoh (0)