Голливуд юлдузлари Жонни Депп ва Эмбер Хёрд ўртасидаги можаро анчадан буён давом этмоқда. Аёл собиқ эрини оиладаги зўравонликда айблаган. Бу ҳақда Хёрд 2018 йилда The Washington Post’га берган интервьюсида маълум қилган. Актёр туҳмат учун 50 миллион доллар талаб қилиб, судга шикоят аризаси киритган — суд эса унга 15 миллион тўланиши бўйича қарор чиқарди, деб хабар беради «Правиламаг».
Деппга қарши шу каби даъво аризасини киритган Эмбер эса 100 миллион доллар талаб қилган, бироқ у собиқ турмуш ўртоғидан 2 миллион доллар олади.
Виржиния штати суди томонидан кўриб чиқилган Деппнинг Хёрдга қарши иши олти ҳафта давом этди. Унинг онлайн трансляцияси АҚШда рекорд даражада томоша қилинган.
Бу вақт давомида кўплаб баёнотлар берилди: масалан, Хёрд актёр уни ўлдиришга урингани ва «Аквамен 2»даги роли Жепп томонидан ташкил этилган «ирқчилик кампанияси» сабаб сезиларли даражада қирқиб ташланганини айтган.
Аввалроқ Disney компанияси Деппни Хёрд билан можароси сабаб «Кариб денгизи қароқчилари»нинг янги қисмидан четлаштирган эди. Жонни Депп собиқ рафиқаси билан суд жараёнида 300 миллион доллар ва миллионта алпака учун ҳам «Кариб денгизи қароқчилари»даги Жек Читтак ролига қайтмаслигини маълум қилганди.
Изоҳ (0)