Украинага етказиб берилаётган қуролларнинг катта қисми кейинчалик жиноятчилар қўлига тушиши мумкин, деди Халқаро жиноий полиция ташкилоти (Интерпол) раҳбари Юрген Шток. Унинг сўзларига кўра, Украинадаги ҳарбий можаро аллақачон йирик ҳажмдаги ўғит ва ёнилғи ўғирланишига сабаб бўлган.
«Можаро пайтида қуролларнинг ниҳоятда кўплиги можаро тугаганидан кейин ушбу қуролларнинг ноқонуний айланишига олиб келади», — деди Шток Парижда бўлиб ўтган брифингда. Унинг сўзларига кўра, жиноий тўдалар қуролларни, жумладан, оғир қуролларни қандай қилиб қўлга киритиш ҳақида ўйлашни бошлаган. Бундан ташқари, у жиноий гуруҳлар ушбу қуролларни бутун қитъа бўйлаб алмашишидан хавотир билдирди.
Шток Украинага қурол етказиб берувчи давлатларни жаҳон жиноий бозорларида қурол сотилиши ҳақидаги маълумотларга эга Интерпол маълумотлар базасидан фойдаланишга чақирди. 23 май куни Пентагон раҳбари Ллойд Остин 20 та давлат Украинага янги ҳарбий ёрдам пакетлари жўнатмоқчилигини маълум қилганди.
Худди шундай хавотирлар аввалроқ Европа полиция агентлиги (Europol) томонидан ҳам билдирилган. Europol раҳбари ташкилотнинг режалари ҳақида ҳам маълум қилган. Қурол жиноятчилар қўлига тушмаслиги учун ташкилот халқаро ишчи гуруҳ тузишни режалаштирган.
Россия Федерал хавфсизлик хизматининг Чегара хизмати раҳбари Владимир Кулишовнинг сўзларига кўра, сўнгги саккиз йил ичида россиялик чегарачилар Украина билан чегарада умумий қиймати 500 миллион рублдан ортиқ ўқотар қуроллар, ўқ-дорилар, портловчи моддалар ва контрабандани қўлга олган.
24 февралда Россия Украинага бостириб киришни бошлаганидан кейин Украина Миллий полицияси ички ишлар фахрийлари ва ҳудудий мудофаа сафига қўшилганларга қурол-яроғ беришга рухсат берди.
Мавзуга доир:
- Байден Украинага баравар ўт очиш реактив тизимлари етказилишини эълон қилди. Киев улардан Россия ҳудудига ҳужум қилишда фойдаланмасликка ваъда берди
- Германия канцлери Украинага «жуда оғир қурол-яроғ» етказиб бериш қарорини маълум қилди
- Reuters: АҚШ Украинани кемага қарши ракеталар билан қуроллантиришни режалаштирмоқда
Изоҳ (0)