Шавкат Мирзиёев раислигида 31 май куни ўтказилган йиғилишда хонаки товуқларни кооперация асосида боқишни кенгайтириш вазифаси қўйилди. Бу ҳақда президент матбуот котиби хабар қилди.
Қайд этилишича, давлат раҳбари Нуробод тумани тажрибасини мисол қилиб келтирган. Бир йил олдин ушбу туман ўзини тухум билан 50 фоизга, парранда гўшти билан 40 фоизга таъминлаган. Жорий йилда туманнинг барча маҳалласига лидер тадбиркорлар инкубатор тарқатиб, аҳоли билан бирга парранда гўшти ва тухум етиштиришни йўлга қўйган. Натижада бугунги кунда ушбу туман ўзини тухум ва гўшт маҳсулотлари билан таъминлаш билан бирга, Самарқанд шаҳри, Паст Дарғом ва Каттақўрғон туманларига ойига 140 мингта тухум етказиб бермоқда.
Мазкур тажрибани ўзининг тухум ва парранда гўштига эҳтиёжини қопламайдиган 50 та туманнинг 200 та маҳалласида йўлга қўйишга топшириқ берилган.
«Ушбу туман ҳокимлари йил якунигача ўзгариш қилмаса, хулоса жиддий бўлади», — деган президент.
Ушбу маҳаллалар учун оилавий тадбиркорлик дастурлари асосида 200 миллион сўмдан имтиёзли кредитлар ажратилиши, ушбу маблағлар ҳисобидан аҳоли жўжалар ва озуқа билан таъминланиши белгиланган.
Мавзуга доир:
- «Нархларни сунъий ушлаб туриб, бу масалада кўзбўямачилик ёки ура-урачиликка йўл қўйиб бўлмайди» – Шавкат Мирзиёев
- «Кўп ҳокимлар нарх-навога эътибор қилмасдан, жиловни қўлидан чиқариб юборган» — Шавкат Мирзиёев
- «У яратган катта мактабни шогирдлари, ёшларимиз, албатта, муносиб давом эттиради» — Шавкат Мирзиёев 64 ёшида вафот этган Ўзбекистон Қаҳрамони ҳақида
Изоҳ (0)