Марказий банкнинг истеъмолчиларининг ҳуқуқларини ҳимоя қилиш хизмати март—апрель ойларида барча вилоятларда 24 та банкнинг 196 та муассасасида банк хизматлари қонунчиликка мувофиқ кўрсатилишига доир назорат тадбирлари ўтказди.
Назорат тадбирларида банклар томонидан истеъмолчилар билан ўзаро муносабатларда 500 дан ортиқ қоидабузарлик ҳолатларига йўл қўйилгани аниқланган.
Булар асосан:
- кредит ва омонат турлари тўлиқ ошкор қилинмаган ва уларнинг шартлари юзасидан батафсил ахборотлар, шунингдек, кредит ва муддатли омонатларнинг асосий шартлари тўғрисидаги ахборот варақалари тақдим этилмагани;
- банк карталари орқали тўловларни қабул қилиш ва банк карталаридаги маблағларни нақдлаштириб бериш рад этилгани ҳамда ушбу хизматларни кўрсатишда банк картасини тақдим этувчига картанинг «PIN-код»ини мустақил теришга имкон яратиб берилмаган ҳолатларни ташкил этади.
- «Халқ банки»;
- «Агробанк»;
- «Микрокредитбанк»;
- «Қишлоқ қурилиш банк»;
- «Туронбанк»;
- «Ипотекабанк»;
- «Савдогарбанк»;
- Trast банк;
- «Капиталбанк»;
- «Миллий банк»;
- «Алоқабанк»;
- «Ўзсаноатқурилишбанк»;
- «Ориент Финанс банк»;
- «Ҳамкорбанк»;
- «Асака банк»;
- «Универсалбанк»;
- «Инфинбанк»;
- «Тенге банк»;
- «Анорбанк»;
- Davrbank;
- «Мадад Инвест банк»;
- «Равнақ банк банк».
Шунингдек, қоидабузарликлар йўл қўйилишига сабабчи бўлган 195 нафар банк ходимига нисбатан қонунчиликка мувофиқ интизомий жазо чоралари кўрилган.
Шундан 145 нафар банк ходимига нисбатан хайфсан, 48 нафар ходимига нисбатан ойлик иш ҳақидан жарима ва 2 нафар ходим билан меҳнат шартномасини бекор қилиш чоралари қўлланилган.
Мурожаатлар ўрганилганда, банклар ва истеъмолчилар ўртасида низолар келиб чиқишига кредитлар тўғрисидаги дастлабки ахборотларнинг ўз вақтида тўғри ва тўлиқ тақдим этилмаслиги ҳам сабаб бўлаётганини кўрсатмоқда.
Мисол учун:
- кредит қарздорлиги белгиланган муддатларда тўланмаганда, муддати ўтган кредитга нисбатан юқори (оширилган) фоиз ставкада фоизлар ҳисобланиши кўзда тутилгани ва натижада қарз олувчининг қарз миқдори ошиб кетиши;
- қарз олувчилар томонидан кредитлар ўз вақтида сўндирилмаганда, ушбу кредит бўйича тўловлар кафил бўлган шахсларнинг ҳисобварақларидан ечиб олинаётгани каби ҳолатлар.
Изоҳ (0)