Yevropaning eng yirik energiya eksportchisi qishda importga muhtoj bo‘lib qoladi — Bloomberg
Electricite de France (EDF) kompaniyasining yadroviy nosozliklari Yevropa energetika bozorlari orqali qit’aning Rossiya gazidan yuz o‘girish rejasini buzib qo‘yishi mumkin. Bu haqda Bloomberg xabar bermoqda.
Odatda qishda arzon energiya eksport qiladigan Yevropaning eng yirik atom energiyasi ishlab chiqaruvchisi ishlab chiqarish prognozini uchinchi marta qisqartirgandan keyin bu yil import qilishga majbur bo‘lishi mumkin.
Nosozliklar bilan to‘lib-toshgan flot nafaqat Fransiya uchun, balki qo‘shni Germaniya kabi davlatlar uchun ham muammo hisoblanadi. Bu davlatlar esa energiya bo‘yicha Moskvaga qaramlik qutulmoqchi edi.
Bizda geosiyosiy vaziyatni hisobga olgan holda noto‘g‘ri vaqtda yuz berayotgan fransuz muammosi bor. Butun Yevropa muvozanati xavf ostida qolishi mumkin, — deydi fransiyalik mutaxassis Nikolas Lekler.Rossiyaning Ukrainaga urushi ortidan mintaqa mamlakatlari muqobil gaz ta’minotini ta’minlashga shoshilmoqda.
Bu o‘tgan yili 40 foiz ta’minoti uchun Rossiyaga tayangan va o‘z yadro sanoatini to‘xtatayotgan Germaniya kabi davlatlar uchun katta muammo.
Mamlakat katta miqdordagi suyultirilgan gazni sotib olishni rejalashtirayotgan bo‘lsa-da, hali o‘z import terminallariga ega emas.
Fransiya barcha qo‘shni davlatlarda elektr energiyasi ishlab chiqarish yo‘llari bo‘lishini talab qiladi. Germaniya Rossiya bilan unchalik ziddiyatda emasligi biz uchun muhim. Agar ular Rossiya gazidan foydalanish imkoniga ega bo‘lmasa, biz uchun zarur bo‘lgan elektr energiyasini ishlab chiqara olmaydi, — dedi Lekler.Germaniya seshanba kuni gaz ta’minoti kamaygan taqdirda ko‘mir va neftda ishlaydigan elektr stansiyalarini qaytarishini ma’lum qildi.
Ammo Yevropa termal ko‘mirning katta qismi bo‘yicha ham Rossiyaga qaram, ayniqsa Germaniya bunga yanada bog‘liqroq.
Fransiya uchun elektr energiyasi importi misli ko‘rilmagan narsa emas. O‘tgan qishda uch oy davomida mamlakatga elektr energiyasi kelib tushdi.
Ammo bu yil butun Yevropa bo‘ylab uchun gaz kamroq bo‘ladi. Ta’minot bilan bog‘liq xavotirlar ortib borayotganligi sababli, 2023-yilning birinchi choragida Fransiyada energiya uchun narxlar anchagina oshishi mumkin.
Qishga kelib esa Fransiya katta miqdorda elektr energiyasini import qilishi kutilmoqda. Yevropa bo‘ylab uzoq davom etadigan sovuq havo talabni oshiradi.
Shu tariqa Yevropaning eng yirik energiya eksportchisi — Fransiya qishda importga muhtoj bo‘lib qolishi mumkin.
EDF’ning 56 ta reaktorining yarmi hozirda to‘xtatilgan. Kompaniya bu yil ishlab chiqarish 30 yildan ortiq vaqt ichida eng past bo‘lishini taxmin qildi.
EDF bu yilgi muammolarning moliyaviy xarajatlarini taxminan 18,5 mlrd yevroga (19,8 mlrd dollar) baholadi.
Avvalroq Fransiya kompaniyasi “Gazprom” bilan Rossiya gazi uchun to‘lov sxemasini muhokama qilayotgani haqida xabar berilgan edi.
