Ўзбекистонда апрель ойида «доставка» хизматининг нархлари ошди

Овқат етказиб бериш (доставка) хизматларининг нархлари бир ойда ўртача 0,2 фоизга ошган. Бу ҳақда Давлат статистика қўмитаси хабар берди. 

Қўмита маълумотларига кўра, 2022 йилнинг апрель ойида тайёр овқатларни етказиб бериш хизматларининг нархлари март ойига нисбатан, яъни бир ойда ўртача 0,2 фоизга ошган.

Тайёр овқатларни етказиб бериш хизматларининг нархлари йил бошидан буён ўртача 1 фоизга арзонлашган.

«Доставка» хизматларининг нархлари ўтган йилнинг мос даврига нисбатан, яъни бир йилда ўртача 3,8 фоизга қимматлашгани кузатилган.

Аввалроқ Ўзбекистондаги бориш қийин бўлган ҳудудларга ун ва ун маҳсулотларини етказиб бериш маҳаллий бюджетдан қопланиши ҳақида хабар берилган эди.