Ovqat yetkazib berish (dostavka) xizmatlarining narxlari bir oyda o‘rtacha 0,2 foizga oshgan. Bu haqda Davlat statistika qo‘mitasi xabar berdi.
Qo‘mita ma’lumotlariga ko‘ra, 2022-yilning aprel oyida tayyor ovqatlarni yetkazib berish xizmatlarining narxlari mart oyiga nisbatan, ya’ni bir oyda o‘rtacha 0,2 foizga oshgan.
Tayyor ovqatlarni yetkazib berish xizmatlarining narxlari yil boshidan buyon o‘rtacha 1 foizga arzonlashgan.
“Dostavka” xizmatlarining narxlari o‘tgan yilning mos davriga nisbatan, ya’ni bir yilda o‘rtacha 3,8 foizga qimmatlashgani kuzatilgan.
Avvalroq O‘zbekistondagi borish qiyin bo‘lgan hududlarga un va un mahsulotlarini yetkazib berish mahalliy budjetdan qoplanishi haqida xabar berilgan edi.
Izoh (0)