2022 йилда глобал иқтисодий ўсиш бўйича прогнозлар ёмонлашишда давом этмоқда. Бу ҳақда Халқаро молия институти (ИИФ) хабар берди.
Глобал ялпи ички маҳсулот 2021 йилда 5,8 фоизга ўсиб, 2020 йилда 3,4 фоизга пасайганидан кейин жорий йилда атиги 2,3 фоизга ўсишига ишонилмоқда. Ривожланган мамлакатларда ЯИМ ўсиши 2,1 фоиз, ривожланаётган мамлакатларда — 2,5 фоиз бўлади.
Халқаро Валюта Жамғармаси апрель ойида жорий ва келаси йил глобал иқтисодий ўсишини 3,6 фоиз деб прогноз қилди. Европа учун прогноз жиддий қайта кўриб чиқилди — 3 фоиздан 1 фоизгача тушди.
Ҳисоб-китобларга кўра, йилнинг иккинчи ярмида рецессия кутилмоқда – бундай прогноз Европа Комиссияси ҳисоб-китобларидан сезиларли даражада салбийроқдир.
Россия учун прогноз ҳам бошқа кўплаб тахминларга қараганда салбийроқ: 15 фоизга пасайиш кутилмоқда.
Украина ялпи ички маҳсулоти 35 фоизга қисқаради, бу эса минтақанинг бошқа мамлакатларига таъсир қилади.
Янги прогноз анти-COVID чекловларининг Хитой иқтисодиётига янада аниқ таъсирини ҳисобга олган. ИИФ иккинчи чоракда Хитой ялпи ички маҳсулотининг йиллик кўрсаткичларда 2,4 фоизга пасайишини ва йил охирида 3,5 фоизга ўсишини кутмоқда.
Кеча Moody’s рейтинг агентлиги ҳам макропрогнозини янгилади - улар бу йил ривожланган мамлакатлар иқтисодиёти 2,6 фоизга, ривожланаётган мамлакатлар 3,8 фоизга ўсишини кутмоқда.
Олдинги прогноз мос равишда 3,2 ва 4,2 фоиз бўлган. Ҳозирча агентлик Г20 давлатларининг ҳеч бирида рецессия кутмаяпти, бироқ агрессив монетар қатъийлаштириш бундай сценарий хавфини ошириши мумкинлигини таъкидламоқда.
Аввалроқ бутунжаҳон иқтисодиёти иккинчи жаҳон урушидан бери энг катта синов олдида тургани ҳақида хабар берилган эди.
Изоҳ (0)