2022 йил 24 май куни Тошкентдан Москвага учган Наргиз Зокирова Домодедово аэропортида ҳибсга олингани ҳақида хабар берилганди. Хонанда 2072 йилгача Россияга кириш тақиқлангани сабабли Ўзбекистонга қайтишга мажбур бўлди. Бу ҳақда унинг адвокати Баҳром Исмоилов маълум қилди, деб ёзади «Правила жизни».
«Қўлимда Россияга киришни 50 йилгача тақиқлаш тўғрисидаги қарор бор. Бу махсус операцияни қоралаётган машҳур шахсларга қўлланиладиган стандарт тақиқ. Бу чеклов Наргиз Зокировага ҳам қўйилган. Наргиз ҳам бунга тайёр эди. У бундай чоралар кўрилишини аввалроқ тахмин қилган. Шунга қарамай, менинг ҳимоямдаги шахс ўзининг фуқаролик позициясига содиқ қолади», — деди хонанданинг адвокати.
Қайд этилишича, Наргиз Зокировага нисбатан жиноий иш қўзғатилмаган. Хонанда Америка фуқаролигига ҳам эга бўлиб, у 1995 йилда ота-онаси билан АҚШга кўчиб ўтган. 2013 йилда у «Голос» вокал шоусида иккинчи ўринни эгаллаган, шундан сўнг хонанда Россияда ижодий фаолиятини бошлаган.
Изоҳ (0)